الدنيا ماتسوى عــــلى شان الزعـل دمعـه

تبسم واترك جروحك على جنب الزمن وارتاح
حرام تطيح من عينك على شان الزمن دمعـــه

انا برجوك لاتزعل ولاتزيـــد الجــــراح جـراح
تبســـم واترك جروحك علــى شانـي بلارجعـه

انا ادري صعب لو تنسى ولـكن الامــل ماراح
ولو راح الامل يبقى في تالي من الالــم متعـه

ابيك اقوى من عنادي ولو جاك الكلام رمــــاح
وابي تشعل من جنونك على طاري الغلا شمعه

وابي تذكـــر ليالينـــــا ليالـي شوقنـا الفضٌــــــاح
وابي تســـهر على شاني وتذكر ليلــــــة الجمعـه

ابي تذكر الى منه كمـــل بـدر الجنــــون ولاح
اجي وتسابق جنوني خطاوي شوقي السرعـه

كأن الروح بغيابـك بقايـا ساكنيهـا اشبــــاح
وكأن القلب من بعدك غريق ويطلب الفزعـه

احبك والغلا يترجم جنونـي والغـلا ذبـــــــاح
غرامً يكشف شعور الجنون ومسألـة وضعـه

كتبت الشعر لعيونك لقيتـك للقصيـد وشـاح
لقيتك روعة حروفي سوالف عشقـي ونبعـه

ابيك اقوى من جروحك تحدى هالزمن وارتاح
لان الدنيا ماتسوى عــــلى شان الزعـل دمعـه

يسلموووووووو على الطرح الرائع