تقول اللي طـرف عينـك أنـا مـدري هـدب أو عـود
أحـس انـي مـن اللـي صابهـا مـاشـوف قـدامـي
ضحكت .. وقلت لاتخافي على بحر العيون السود
على شط الكحل مريـت .. وهـذا موضـع أقدامـي
أدوّر عـن ذهـب عـمـري .. أدور كـنـزي المفـقـود
وأشوف الموج يطوي الموج ويبحر مركب أحلامي
عيونـي بسمـة عيونـك ولـو صـارت مطـر ورعـود
أبشرب من ظما دمعك وابغسـل جرحـي الدامـي
عطينـي عيونـك الليلـة .. وباكـر ياعـسـاه صــدود
أمانـه لا مسحتـي الكحـل خلـي طيـف أحـلامـي
أحبك كان يكفي الحب جروحي في هواك شهود
أنا اللـي راس مالـي حلـم .. وهـم الدنيـا قدامـي