يقولون العرب صوت البنية يذبح الرجال
وانا اقول البلا بالصوت الله يلعن ابو حيه
ترى قولة ألو منها تسوي داخلي زلزال
خصوصا لا طلعت قولة الو من سعوديه
اذوب ان قالت شلونك..عساك بخير..كيف الحال؟
واضيع اسم جداني اليا قالت شماليه
حلاها شي مو عادي وميزتها وسيعة بال
هواها يذبح العاشق وفيها الشمس والفيه
واذا قالت انا من نجد صدقني يجيني هبال
وانا أدري إن الحلا نجدي وساس الزين نجدية
ابثني خطوتي للزين وبطوي في لقاه أميال
وينبض قلبي بسرعة ليا قالت حجازية
خفيفٍ دمها سكر عليها من الوصوف اشكال
تحير من هو يوصفها لأنها غير عادية
واقوم ألعب على طروق الشعر وأجر لي موال
على ألحان الجنوب إن قالت جنوبية
رقيقة كنها النسمه جمال وحسن عال العال
وهي اصل الشقا والطب لقلوب الشقاوية
وأجوب الساحل الشرقي واغني للبحر يامال
وأردد ياهوى بالي ..اذا قالت لي شرقية
دلعها غير عن كل البنات وتشهد الأمثال
وتكتب بها القصائد ..ثم تغنيها الغناوية
وانا لا من سئلتوني ترى عشقي ثرى ورمال
أموت وأحيا على عشقي وانا احب السعوديه